Шинэ Зеландын эргийн ойролцоох далайд 24 цаг гаруй байсан нэгэн эрэгтэй цагныхаа тусгалыг ашиглан аврагджээ. Түүнийг загасчид аварсан байна.

Тэрээр өнгөрсөн мягмар гарагт ганцаараа загасчлахаар явахдаа завинаасаа унан 24 цагийн турш тасралтгүй сэлж амьд үлджээ. Энэ хугацаанд аварга загас түүн рүү ойртож ирсэн ч дайраагүй байна. 

Шинэ Зеландын цагдаагийн газрын мэдээлснээр “Тэр усан онгоцноосоо унасныхаа дараа Хойд арлын зүүн эргээс 55 км-ийн зайд орших Олдерманы арал руу сэлсэн ч усны урсгалд түрэгдэн очиж чадаагүй байсан. Маш хүйтэн усанд нэг хоног байна гэдэг гайхамшигтай явдал” хэмээжээ.

Түүний биеийн температур буурч, маш их ядарсан тул одоогоор эмчлүүлж байгаа аж.

Эх сурвалж: BBC