Токио хотын Ханеда нисэх онгоцны буудлын хөөрөх зурвас дээр  "Japan Airlines" компанийн нисэх онгоц,  Японы эргийн хамгаалалтын онгоцтой мөргөлдөж, шатсан хэрэг гарсан.

Агаарын тээврийн компанийн мэдээлснээр зорчигч болон багийн гишүүдийг бүгдийг аюулгүй нүүлгэн шилжүүлсэн байна. Зорчигчийн бүрэлдэхүүнд 367 хүн байсан бол нислэгийн багийн бүрэлдэхүүнд 12 ажилтан байжээ. Мөн хоёр хүртэлх насны найман бага насны хүүхдийг эсэн мэнд аварсан байна. 

Эргийн хамгаалалтын онгоцны бүрэлдэхүүнд зургаан хүн байсан ба нэг хүн зугтаж амжсан бөгөөд багийн бусад гишүүдийн талаарх мэдээлэл гараагүй байна.  JAL  516 дугаартай онгоцны галын нарийн шалтгааныг судалж байна гэж тус компанийн төлөөлөгч хэвлэлд мэдээллэсэн байна.