2023 оны 07 дугаар сарын 07-ны өдрийн УИХ-ын нэгдсэн хуралдаанаар Нийгмийн даатгалын багц хуулийн шинэчилсэн найруулгыг хэлэлцэн баталсан. Уг хууль 2024 оны нэгдүгээр сарын 1-ээс мөрдөгдөж эхлээд байна.  

Шинэчилсэн хуулиар тэтгэврийн хуримтлалын тогтолцоонд үе шаттай шилжих зорилгоор даатгуулагчийн нэрийн дансны мөнгөжүүлсэн орлогыг байршуулах тэтгэврийн нөөц санг бүрдүүлнэ. Түүнчлэн тэтгэврийн нөөц санд байршуулсан даатгуулагчийн мөнгөжүүлсэн орлогыг түүний саналд үндэслэн Нийгмийн даатгалын ерөнхий хуульд заасан санхүүгийн хэрэгсэлд болон тухайлсан хуулиар зохицуулсан эрүүл мэнд, боловсрол, орон сууцны ипотекийн санхүүжилтэд хөрөнгө оруулж болох аж.

Даатгуулагч нас барвал түүний асрамжид байсан гэр бүлийн гишүүнд тэжээгчээ алдсаны тэтгэвэр тогтоож олгоно. Хэрэв гэр бүлийн гишүүнд тэжээгчээ алдсаны тэтгэвэр тогтоолгох эрх үүсэхгүй бол тэтгэврийн нөөц санд бүрдсэн мөнгөжүүлсэн орлогын тодорхой хувийг хууль ёсны өв залгамжлагчид өвлүүлнэ.

Мөн Тэтгэврийн нөөц сангийн мөнгөжүүлсэн орлогыг даатгуулагчийн саналд үндэслэн хөрөнгө оруулна. Үүнд:

Санхүүгийн хэрэгсэлд

• Засгийн газрын үнэт цаас
• Монгол банкны үнэт цаас
• Төрийн сангийн нэгдсэн санд байршуулах
• Арилжааны банканд байршуулах

Тухайлсан хуулиар зохицуулсан санхүүжилтэд:

• Эрүүл мэнд
• Боловсрол
• Ипотек гэж заажээ.
•