Үндэсний эрх чөлөө, тусгаар тогтнолоо сэргээн мандуулсны 112 жилийн ойг тохиолдуулан салбартаа үр бүтээлтэй ажилласан эрхмүүдийг Монгол Улсын Ерөнхийлөгчийн зарлигаар төрийн дээд одон медалийг гардууллаа. 

Спортын салбараас  жүдо бөхийн үндэсний шигшээ багийн тамирчин, дэлхийн аварга шалгаруулах тэмцээний хошой хүрэл медальт Ё.Басхүү, Л.Энхрийлэн, чөлөөт бөхийн ОУХМ Т.Тулга нарт Монгол Улсын Гавьяат Тамирчин цол олгохоор боллоо. 

Ё.Басхүү 2021, 2023 онд ДАШТ-ээс хүрэл, Азийн наадмаас мөнгө, их дуулгаас алт, хоёр мөнгөн медаль хүртсэн. Л.Энхрийлэнгийн хувьд сүүлийн хоёр жил дараалан Дэлхийн аваргын медалийн тавцанд зогсоод байгаа юм. 

Чөлөөт бөхийн Т.Тулгын хувьд Дэлхийн аварга шалгаруулах тэмцээний хүрэл, Азийн аварга тамирчин юм.