Нүүрсний нээлттэй сонсгол “Эрдэнэс тавантолгой” ХК-иас санхүүжүүлсэн төмөр замын төслийн асуудлаар үргэлжилж байна. Нээлттэй сонсголд "Бодь Групп"ийн ТУЗ-ийн дарга Д.Баясгалан оролцож байна. Гэрчээс түр хорооны гишүүд асуулт асууж хариулт авч байна. УИХ-ын гишүүн Т.Доржханд Гашуунсухайт төмөр замын холбоотой асуудлаар түүнээс дараах асуултыг асуулаа. 

УИХ-ын гишүүн Т.Доржханд: Гашуунсухайтын төсөл дээр ажиллах саналыг Засгийн газар, Ерөнхийлөгч хоёрын хэн нь тавьсан бэ?

"Бодь Групп"-ийн ТУЗ-ийн дарга Д.Баясгалан: Энэ саналыг Засгийн газар тавьсан. Гашуунсухайтыг 2019 онд эхлүүлэх шийдвэрийг гаргасан. Тухайн үеийн Засгийн Газрын тэргүүн У.Хүрэлсүх 2013 оны баталсан төсвөөр энэ ажлыг дуусга гэдэг хатуу даалгаврыг өгсөн. У.Хүрэлсүх энэ төслийг 30 сарын дотор дуусгах цэргийн даалгавар шахуу юм хэлсэн. Та нар Ерөнхийлөгч асан Х.Баттулгатай холбох гээд байна. Х.Баттулга гэдэг хүн Гашуунсухайтын төмөр зам гэхээр жийрхдэг байсан.