Нүүрсний гэх тодотголтой нээлттэй сонсгол “Эрдэнэс тавантолгой” ХК-ийн охин компаниудад оруулсан хөрөнгө оруулалт болон бусад санхүүжилттэй холбоотой асуудлаар үргэлжилнэ. Хамгийн эхэнд "Тавантолгой Түлш" ХХК-д олгосон санхүүжилт болон бусад борлуулалтын үйл ажиллагаатай холбоотой мэдээллийг танилцуулав.  Энэ үеэр тус компанийн ТУЗ-ийн гишүүдэд олгосон үр дүнгийн урамшууллыг танилцууллаа. 

"Утааг бууруулсан" хэмээдэг НИТХ-ын дарга Ж.Батбаясгалан 2018-2022 онд 64 сая төгрөг, "Утааны эсрэг ээж аавууд" ТББ-ын Ц.Пүрэвхүү 78.7 сая төгрөгөөр тус тус шагнажээ. ТУЗ-ийн гишүүд нийтдээ 1.1 тэрбум төгрөгийн үр дүнгийн урамшуулал авсан байна.