Зуухан дотор агаарын эргэлт муутай, хүчилтөрөгч хангалттай биш байвал CO2-ын оронд CO үүсдэг. Энэ нь угаарын хий юм.

Нүүрсийг шатааж эхлэх үед болон шаталт дуусаж гал бөхөх үед угаарын хий хамгийн ихээр ялгардаг.

Иймээс дараах шинж тэмдэг илэрвэл эмчид яаралтай хандахыг зөвлөж байна. Үүнд:

• Толгой өвдөх
• Огиулж бөөлжих
• Ханиалгах
• Ядарч сульдах
• Гуйвж дайвах
• Ухаан балартаж унах

  Угаарын хийн хордлогын үед авах анхны тусламж:

  • Угаартай орчноос гаргах /толгой, биеийг хучиж агаарт гаргах, халуун бүлээн шингэн юм уулгах/
  • Унтуулахгүй байх /спирт үнэртүүлэх, нүүрийг хүйтэн усаар шавших/
  • Ам, хамар залгиурыг чөлөөлж цэвэрлэх /тэгш гадаргуу дээр хэвтүүлж, эрүүг өргөн амьсгалын замыг чөлөөлж хэл унахаас сэргийлэх/
  • Шаардлагатай үед хиймэл амьсгал, цээж шахалтыг яаралтай хийх
  • Эмчид яаралтай хандах.

                                                                                                                                                                                                                                Эх сурвалж: НОБХ