Нүүрс баяжуулах үйлдвэрийн асуудал дээр “Эрдэнэс Тавантолгой” ХК-ийн ТУЗ-ийн дарга, гишүүдийг дуудсан ч ганцхан ТУЗ-ийн хараат бус гишүүн асан П.Өлзийнаран гэрчээр оролцож байна. Тэрээр нүүрс баяжуулах үйлдвэрийн хөрөнгө оруулалтын талаарх мэдээллийг түр хорооны гишүүдэд өгсөн. Мэдээлэл өгөх үеэр ТУЗ-өөс яагаад гарах болсон шалтгаанаа тайлбарлав.

ЭТТ-ийн ТУЗ-ийн хараат бус гишүүн П.Өлзийнаран:  “Эрдэнэс Тавантолгой” ХК-ийн ТУЗ-д дарга нарын хүүхдүүд, найзууд, туслахууд нь гээд мэргэжлийн бус хүмүүс байсан. Төслөө ойлгохгүй, уурхайд очиж үзээгүй. Уурхайн тоос идэж үзээгүй хүн яаж хөгжил цэцэглэлтийг нь төсөөлөх юм. Технологийн нарийн хөрөнгө оруулалтыг хийлгэхийг шаардах билээ. “Эрдэнэс Тавантолгой” ХК-д шаардлагатай байсан хөрөнгө оруулалтууд хийгдээгүй.