Нийслэлийн Хан-Уул дүүргийн 3 дугаар хорооны орон сууцанд өглөө гал түймэр гарчээ. Гал түймрийн улмаас долоон иргэн амь насаа алдсан бөгөөд үүний дөрөв нь хүүхэд байжээ.  Дуудлагын дагуу НОБГ-ын ХУД-ийн Онцгой байдлын хэлтсийн Гал түймэр унтраах, аврах 14, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид ажиллаж,  галын тархалтыг зогсоож, бүрэн унтраахаар ажиллаж байна.

Түймрийн голомтод ОБЕГ-ын Гал түймэртэй тэмцэх газрын дарга, хурандаа Ц.Нямбаяр удирдлага, зохион байгуулалтаар ханган ажиллаж байгаа юм гэж Онцгой байдлын ерөнхий газраас мэдээллээ.