Боловсрол, шинжлэх ухааны сайд Л.Энх-Амгалан НҮБ-ын боловсрол, соёлын байгууллага болох Юнескогоос “Боловсролын эрхийн асуудлаарх олон улсын яриа хэлэлцээ” сэдэвт чуулганд оролцож байгаа. Чуулганд Боловсрол, шинжлэх ухааны сайд Л.Энх-Амгалан  "Боловсролын салбарын эрх зүйн шинэчлэл ба сайн туршлага" сэдэвт илтгэлийг танилцуулсан байна. 

Монгол улсын тухайд эрх зүйн шинэчлэлийн хүрээнд боловсролд хамрагдах эрхийг сурагч бүрийн өмнө нээж өгөхөөр зорьсон нь хамгийн том дэвшил болж байгаа талаарх мэдээллийг чуулганд оролцогч орны зочдод танилцуулав. 

Түүний илтгэлд:

Монгол улс цэцэрлэгт хамрагдалтыг 92 хувьд хүргэж, хүсэлт гаргасан хүүхэд бүрийг сургуулийн өмнөх боловсролд хамруулж байгаа нь олон улсын анхаарлыг татаж байна. Мөн 2 настайдаа сургуулийн өмнөх боловсролд хамрагдаж эхлэх эрхтэй гэж хуульчилсан.

Ялгаатай хэрэгцээтэй сурагчдад боловсрол олгох бүх боломжийг эрэлхийлж байгаа. Тусгай сургууль цэцэрлэгээс гадна ердийн сургуульд сурах нээлттэй боломжийг бүрдүүлж, дэмжих төвийн үйл ажиллагааг эхлүүлэхээр зорьж байгаа ажил

Монгол улс өргөн уудам нутаг дэвсгэртэй. Дараагийн сайн туршлагаар онцлох зүйл бол тархан суурьшсан ард түмэнд цахим дэд бүтцийн тусламжтайгаар сурах эрхийг нээж өгч байгаа явдал гэлээ. “Мэдлэ” цахим сургуулийг амжилттай хичээллүүлж орон зайнаас үл хамааран сурах эрхийг олгосон талаарх мэдээллийг танилцуулжээ.