Zarig.mn сайтын эрхлэгч, сэтгүүлч Н.Өнөрцэцэгийг өнгөрөгч даваа гарагт хэд хэдэн хэрэгт холбогдуулан  ШШГЕГ-ын харьяа цагдан хорих 461 дүгээр ангид саатуулсан.  Сонгинохайрхан дүүргийн эрүүгийн хэргийн анхан шатны шүүхэд сэтгүүлч Н.Өнөрцэцэгийн цагдан хориог цуцлах эсэхийг шийдвэрлэх хурал өнөөдөр  болох юм. 

Сэтгүүлч Н.Өнөрцэцэгийг яллагдагчаар татсан тогтоолыг танилцуулахаар прокурорын дуудан ирүүлэх хуудас удаа дараа гардуулан өгсөн боловч хүрэлцэн ирээгүй. Мөрдөгчийн зүгээс утсаар холбогдоход хүндэтгэн үзэх шалтгаан хэлэлгүйгээр тогтоолтой танилцахаас санаатайгаар зайлсхийж мөрдөн шалгах ажиллагаанд саад учруулсан. Иймд эрүүгийн хэрэг хянан шийдвэрлэх тухай хуулийн 19.4-т заасан үндэслэл буюу шүүх, прокурорын мэдэгдэх хуудсаар дуудахад хүндэтгэн үзэх шалтгаангүйгээр ирээгүй тул цагдан хорих арга хэмжээ авсан гэх мэдээллийг цагдаагийн байгууллагаас өгсөн юм.