Нүүрсний  нээлттэй сонсголын эхний хэсэг төрийн ордонд дөрвөн өдрийн турш болж өндөрлөлөө. Эхний үе шатны нээлттэй сонсголоор "Тавантолгой" ХК, "Эрдэнэс тавантолгой" ХК-тай холбоотой 28 сэдвээр нотлох баримтыг цуглуулан гэрч, шинжээч, түр хорооны гишүүдийг оролцуулан  оролцуулан тайлбар авлаа. Энэ удаагийн сонсголд давхардсан тоогоор 275 гэрч оролцуулхаар мэдэгдэх хуудас хүргүүлснээс 221 гэрч ирж оролцлоо. 

Эхний сонсголоор хэлэлцсэн асуудлууд 

1. "Тавантолгой" ХК-ийн нүүрс олборлолт, борлуулалт, тээвэрлэлт, экспортын үйл ажиллагаа болон бусад бараа үйлчилгээ худалдан авалтын үйл ажиллагаа
2. "Тавантолгой" ХК-ийн эрх бүхий байгууллагуудаас хийсэн хяналт, шалгалтууд тэдгээрийн үр дүнд авсан арга хэмжээ
3. "Эрдэнэс тавантолгой" ХК-г үүсгэн байгуулсанаас хойш санхүүгийн мэдээлэл, бусад ерөнхий мэдээллүүд 
4. "Эрдэнэс тавантолгой" ХК-ийн бараа, худалдан авалтын үйл ажиллагаанд 2011-2023 оны 10-н сарын гэрээт олборлогч компаниуд болон бусад бараа үйлчилгээний худалдан авалт
5. 2023 оны 12-р сарын 18-22-нд 

Хоёр дахь шатны нээлттэй сонсголыг 2023 оны 12-р сарын 18-22-нд зохион байгуулахаар товлоод байна. Түр хороо энэ сарын 11-нд хуралдаж хоёр дахь сонсголд оролцох хүмүүсийн нэрсийг гарган олон нийтэд танилцуулах аж. 

Хоёр дахь хэсгээр хэлэлцэх асуудлууд 

"Эрдэнэс тавантолгой" ХК-ийн нийт борлуулалт, экспортын үйл ажиллагаа

"Эрдэнэс тавантолгой" ХК-ийн тээвэрлэлтийн үйл ажиллагаа 

"Эрдэнэс тавантолгой" ХК-ийн охин болон хараат компаниудад оруулсан хөрөнгө оруулалтын үйл ажиллагаа тэдгээрийн хэрэгжилт 

"Эрдэнэс тавантолгой" ХК-ийн санхүүжүүлсэн бусад төслүүд 

"Эрдэнэс тавантолгой" ХК-д эрх бүхий байгууллагаас хийсэн хяналт, шалгалт тэдгээрийн үр дүнд авсан арга хэмжээ