Өнөөдөр 08:00 цагаас эхэлсэн Засгийн газрын хуралдаанаар Тусгай албан хаагчдыг орон сууцжуулахаар шийдвэрлэсэн талаар дөнгөж саяхан мэдээллээ.

Эхний тооцоогоор халдварын үед бэлэн байдалд ажиллаж буй албан хаагчдаас 1300-1500 иргэнийг түрээслээд өмчлөх зарчмаар орон сууцаар хангах юм. 

Тухайлбал, албан хаагч зах зээл дээрх бэлэн орон сууцнаас өөрийн орлогод нийцүүлэн сонголтоо хийж, Улаанбаатар хотын засаг даргын тамгын газарт цахим хэлбэрээр хүсэлтээ илгээнэ. Үүний дараа шаардлагатай санхүүжилтийг Сангийн яам болон Монгол банк хариуцан ажиллана хэмээн Засгийн газрын хэвлэл мэдээллийн албанаас мэдээллээ. 

"Тусгай" албан хаагч гэдэгт цар тахлын үед бэлэн байдалд ажиллаж буй эрүүл мэндийн салбарын болон онцгой байдал, цагдаа, мэргэжлийн хяналтын салбарын ажилчид багтаж байгаа аж.