Таныг тодорхойлдог стиль: 

Хувцас бол хүний дотоод ертөнцийн нэг илэрхийлэл. Миний хувьд телевизийн эфирт болон энгийн үед өмсөх гэсэн ангиллаар хувцсаа сонгодог. Гэхдээ сүүлийн үед минимал хэв маягийг эрхэмлэн, өмсөхгүй, хуучин хувцаснуудаа цөөлж байна. Өөрөөр хэлбэл шинээр хувцас худалдан авахгүй байгаа. 

Хамгийн их чимдэг хувцасны элемент:

Намайг захтай хувцас хамгийн их чимдэг. Тиймээс сонголтоо хийхдээ зах, ханцуйндаа хамгийн их ач холбогдлоо өгдөг. 

Хамгийн дуртай аксессуар:  

Хувцсыг амилуулагч зүйл бол яах аргагүй аксессуар. Би хувцсаа хүзүүний зүүлтээр дөвийлгөн гоёх дуртай. 

Өдөр тутамдаа өмсдөг хувцас:

Өдөр тутамдаа бол биед эвтэйхэн, чанартай хувцас сонгодог.

Баяр ёслол/хүлээн авалтын гангараа:

Би эфирт, баяр ёслолоор, хамгийн чухал үйл явдал бүртээ “Silk Capital” -ын дээлээр гангардаг. Дээл бол урт удаан хугацааны эдэлгээ даадаг, Монгол хүнийг төгс харагдуулдаг, үр хүүхдэдээ өвлүүлэх боломжтой, эрүүл мэндэд хамгийн ээлтэй хувцас юм. Ер нь л Монгол дээлний ач тус давуу тал үнэхээр их. 

Чөлөөт цагаараа өмсөх дуртай хувцас:

Харин чөлөөт цагаараа биед эвтэйхэн хувцас өмсөх дуртай.

Дуртай брэнд:

Миний хамгийн дуртай брэнд бол “Silk Capital”. Энэ брэндийн дээлнүүдийг хараад шунал хөдөлнө өө. Бас эмэгтэй хүн л болсон хойно гутал цүнхэнд нугасгүй. 

Мөнгө зарахаас буцдаггүй гоёо/хувцас:

Би ер нь л их тооцоотой хүн байх. Хувцас худалдан авахад хайр найргүй мөнгө зардаггүй болохоор энэ асуултаас татгалзъя аа.