Дэлхийгээс 12 гэрлийн жилийн зайд байх “Тигардэний” одны тойрог замд амьдрал бий болох боломжтой хоёр гараг байгааг эрдэмтэд илрүүлжээ. Энэ гарагууд нь дэлхийтэй ижил масстай, эх одноосоо тохиромжтой зайтай.

“Тигардэний Од” нь манай нарнаас 2 дахин хөгшин буюу 8 тэрбум жилийн настай, тойрон эргэх гарагууд нь харьцангуй удаан оршин тогтносон учир амьдрал хувьсан гарсан байх магадлалтай хэмээн эрдэмтэд таамаглаж байна.

Эдгээр гарагийг шинэ үеийн алсын зайн дурангуудаар судлахаар төлөвлөжээ. Эрдэмтдийн урьд өмнө нь нээсэн амьдрал үүсэх боломжтой гарагууд бүхий Траппист-1 одны системтэй харьцуулахад "Тигардэний систем" нь дэлхийтэй гурав дахин ойрхон зайтай учир нь судлахад илүү дөхөм байгаа аж.

Эх Сурвалж: National Geographic