Сөүл, Парис, Бангког, Жакарта хотуудтай хүн амын хувьд ойролцоо Энэтхэгийн өмнөд хэсгийн Ченай хот усгүй болжээ. 

“Сүйрэл болж байна. Энэ жил хангалттай бороо орохгүй бол бид маш хүнд байдалд орно” хэмээн уг нөхцөл байдлын талаар холбогдох эх сурвалж BBC-д мэдээлжээ. 

Хотын усны нөөц дуусч байгаа бөгөөд усаа хэмнэхийн тулд тэд +35C халуунд метроны буудлууд агааржуулагчаа зогсоож, олон нийтийн үйлчилгээний газрууд хаалгаа барьж, хотын удирдлагуудын зүгээс шаардлагагүй бол ард иргэдийг гэрээсээ гарахгүй байхыг сануулсан аж. Мөн орон сууцууд ч бас усны хомсдолд орсон байна. 

Өнгөрсөн долоо хоногт гэхэд ус булаалдаж байгаад хөршөө хутгалсан хэрэг гарчээ. Иймээс хотын эрх баригчид усны нөөцийг ард иргэдэд тараах, гүний усны нөөц илрүүлэн худаг ухах ажлыг эхлүүлсэн байна.

Эх сурвалж: BBC