Япон дахь “Seven-Eleven” сүлжээ дэлгүүр долдугаар сарын төгсгөл гэхэд будааны бөмбөлөгнийхөө (онигири) уутыг ургамлын гаралтай био-хуванцараар солих зорилт дэвшүүлжээ.  
Ингэснээр тухайн сүлжээ дэлгүүрийн ялгаруулдаг нүүрс хүчлийн давхар исэл 403 тонноор, хуванцрын хэрэглээ 260 тонноор багасна гэж тооцоолсон байна. Тэд энэ ажлаа Осака хотод байрлах дэлгүүрүүдэд туршаад эхэлсэн байна. 

Мөн Японы алдарт бэлэн гоймон үйлдвэрлэгч “Nissin” брэнд ургамлын гаралтай гоймонгийн аяга ашиглаж, “FamilyMart” сүлжээ дэлгүүр салатаа био-хуванцар  савтайгаар худалдаалж эхэлжээ. Энэ төрлийн байгаль орчинд ээлтэй хандлага цаашид улам их газар авах хандлагатай байна.

Дэлхийн дээрх газрын тосны бүтээгдэхүүний найман хувь нь хуванцар хийхэд зарцуулагддаг гэсэн судалгаа байдаг. “Selen-Eleven”-ий нэвтрүүлж буй био-хуванцар нь чихрийн нишингэнээс гаргаж авсан пололактид (PLA) хуванцар бөгөөд түүнийг ашиглах нь газрын тосны хэрэглээг бууруулж улмаар газрын дор тос хэлбэртэй байсан нүүрстөрөгчийг газрын гадарга дээр задрахаас сэргийлэх аж.

Эх сурвалж: Nikkei Asian Review