“Google” компанийнхан Google Maps-ийг ашиглан автобус, галт тэрэг зэрэг нийтийн тээвэр хэр их хүнтэй байгааг мэдээлдэг болжээ. 

Өнгөрсөн аравдугаар сараас эхлэн “Google Maps”-ийн хэрэглэгчдээс өглөөний 6-10 цагийн хооронд нийтийн тээврээр зорчиход суудал дүүрсэн үгүйг, зогсож явахад хэр зайтай байгааг асууж үнэлүүлдэг болжээ. Тэдгээр өгөгдлийг ашиглан нийтийн тээвэр хэр их хүнтэй байхыг автоматаар таамаглаж, мөн дэлхий дээрх хамгийн ачаалалтай шугам, буудлуудыг эрэмбэлж эхэлсэн байна. 

Буэнос-Айрес, Сан Пауло хотууд дэлхий дээрх хамгийн ачаалалтай нийтийн тээврийн шугамтайд тооцогджээ. Харин Нью-Йорк хотын гал тэрэгний шугам АНУ-ийн хотуудаас ганцаар топ 10 ачаалалтай шугамд багтжээ.