Францын нийслэл Парис хот болон, Парисын бүсэд хамаарах 79 дагуул хот руубохирдол их үүсгэдэг, насжилт өндөртэй автомашин орохыг хоригложээ.

Хотын агаарын бохирдлыг бууруулах зорилгоор Парисын бүсэд бүртгэлтэй таван сая орчим автомашины 2,7 саяыг хориглоод байгаа энэ шинэ журам ажлын өдрүүдэд хэрэгжиж байна.

Журмыг зөрчсөн автомашиныг 68 евро, ачааны машиныг 135 еврогоор торгодог ч замын хөдөлгөөний ачааллыг дорвитой бууруулахгүй байгаа нь торгуулын дүн иргэдэд харьцангуй хямд тусаж буйтай холбоотой.

Франц улсад автомашинуудыг үйлдвэрлэсэн он болон бохирдол ялгаруулах хэмжээгээр ангилдаг. Засгийн газар 2030 он хүртэл автомашины хоригийг үе шаттайгаар хэрэгжүүлж, зөвхөн цахилгаан буюу устөрөгчийн цэнэгтэй тээврийн хэрэгслүүдийг Парис хотод явуулах төлөвлөгөөтэй аж.

Эх сурвалж: Reuters