IRENA буюу Олон улсын сэргээгдэх эрчим хүчний агентлагын тайланд сэргээгдэх эрчим хүч нь хамгийн хямд өртөг бүхий эрчим хүчний эх үүсвэр болсон хэмээн онцолжээ. 

Өөрөөр хэлбэл сэргээгдэх эрчим хүч үүсгэдэг станц, төхөөрөмж, үйл ажиллагааны зардал зэрэг нь уламжлалт эрчим хүчний үйлдвэрлэлтэй харьцуулахад засгийн газрын аливаа зээл, тусламжгүйгээр өртөг багатай болж ирсэн гэсэн үг. 

Ингэснээр ногоон эрчим хүчийг илүү өргөн хүрээнд нэвтрүүлж, улмаар дэлхийн дулаарлын хурдыг бууруулах, цаг уурын өөрчлөлтийн эсрэг тэмцэхэд чухал түлхэц болох юм.

IRENA-ийн тайланд, 

• Далай тэнгисийн эрэг дагуу байрлах нар, салхины цахилгаан станцууд шатамхай түлшний станцуудаас илүү хямд өртөгтэй болсон;
• Сэргээгдэх эрчим хүчний технологийн өртөг буурснаар эрчим хүч үйлдвэрлэлээс ялгарах хүлэмжийн хий их хэмжээгээр буурна;
• Цаашид нар, салхины цахилгаан станцуудын үйл ажиллагааны зардал нь уламжлалт цахилгаан станцуудаас улам хямд болох төлөвтэй;
• Сэргээгдэх эрчим хүч дэлхийн нийт эрчим хүч үйлдвэрлэлийн 20 хувийг эзэлж байгаа талаар нэмж дурджээ.

Дэлгэрэнгүй тайланг ЭНДээс унших боломжтой.

Эх сурвалж: Forbes