2020 онд Токио хотноо зохиогдох Зуны Олимпын XXXII наадам мөн Паралимпын наадамд 5000 медаль шаардлагатай байгаа аж. Олимп зохион байгуулах комиссоос байгаль орчинд ээлтэй байлгах үүднээс нэгэн санаачлага гаргасан нь хэрэгцээгүй гар утсыг цуглуулж, түүнд агуулагдах алт, мөнгө, зэсээр медалиудыг хийх байсан юм.

2017 оны дөрөвдүгээр сараас эхэлсэн тус компанит ажлаар нийт 78.985 гар утас хандиваар цугларсан бол, Японы үүрэн телефоны хамгийн том оператор болох “NTT Docomo” компани 6.2 сая гар утас цуглуулсан байна.

Олимпын наадмыг зохион байгуулах комисс ийнхүү “Токио-2020” Олимпын наадмын медалийг хийхэд ашиглах 32 кг алт, 3500 кг мөнгө, 2200 кг зэсийг цахилгаан хэрэгслийг дахин боловсруулах замаар гарган авчээ.

Эр сурвалж: Japan Times