Италийн “Seria A” хөлбөмбөгийн лигийн “Roma” баг нь дэлхий даяар олон сая хөгжөөн дэмжигчидтэй томоохон клубуудын нэг билээ. Тэд Фэйсбүүк дээр 9.8 сая, Инстаграм дээр 2.7 сая, Твиттер 450 мянган дагагчтай бөгөөд энэ нь зөвхөн англи хэл дээрх хуудсуудынх нь тоон үзүүлэлт юм.

Тус клубын зүгээс олон сая дагагчтай сошиал сүлжээнүүдээ сураггүй алга болсон хүүхдүүдийн эрэл хайгуулын ажилд сайн санааны үүднээс туслах зорилгоор ашиглах болсон талаар албан ёсоор зарласан байна.

Клуб энэ зуны солилцоо наймааны мэдээнүүддээ хүүхэд алга болсон тухай зарлалыг хавсаргаж байхаар болжээ. Зарлал бүрийг нэг итали, нэг америк хүүхдийн мэдээ дагалдах аж.

Эх сурвалж: CNN