“Microsoft” компани “OpenAI” компанитай түншлэлийн гэрээ байгуулж, 1 тэрбум ам.долларын хөрөнгө оруулалт хийхээ мэдэгдлээ.

Тэд олон үйлдэл хийх чадвартай, хүнээс илүү чадварлаг гүйцэтгэдэг Artificial General Intelligence буюу хиймэл оюун ухаан бүтээхийг зорьж байна. 

“OpenAI” компани “Хиймэл оюун ухааныг дэлхий дахинд нүүрлээд буй цогц асуудлуудыг шийдвэрлэхэд ашиглахын зэрэгцээ, түүнээс бий болох эдийн засгийн үр ашгийг олон нийтэд хүртээмжтэй байлгах нь бидний зорилт юм” хэмээн онцолжээ.

Хоёр компанийн хамтын ажиллагааны хүрээнд “OpenAI”-ын хөгжүүлэлтэд шаардлагатай үүлэн технологийн үйлчилгээг “Microsoft” компани хангах бөгөөд, хариуд нь “OpenAI” компанийн зарим технологийг “Microsoft” компани ашиглах эрхтэй болох юм.

Эх сурвалж: Washington Post