“Форбес” сэтгүүл 2019 оны өндөр орлоготой эмэгтэй тамирчдыг нэрлэлээ. Жагсаалтыг эмэгтэй теннисчид тэргүүлсэн байна. Тамирчдын 2018 оны зургаадугаар сараас 2019 оны мөн үе хүртэлх хугацаанд олсон орлогын үзүүлэлтийг харгалзан уг жагсаалтыг гаргадаг юм. АНУ-ын нэрт теннисчин Серена Уильямс 29.2 сая ам.долларын орлого олсноор жагсаалтыг тэргүүлжээ. Түүний орлогын  4.2 сая ам.доллар нь шагналын мөнгө байсан аж. Харин зар сурталчилгаанаас 25 сая ам.долларыг халаасалжээ. 

Жагсаалтын эхний аравт дан теннисчид багтжээ. Бусад спортын төрлүүдээс АНУ-ын эмэгтэй хөлбөмбөгчин Алекс Морган бусдаасаа дээгүүрт жагссан байна. Тэрээр 5.8 ам.долларын орлогоор жагсаалтын 12-т оржээ.    

Ингээд дэлхийн хамгийн өндөр орлоготой эмэгтэй тамирчдыг танилцуулъя.

Эх сурвалж: Forbes