Венецбол ЮНЕСКО-гийн Дэлхийн өвд бүртгэгдсэн усан дээр орших үзэсгэлэнт хот билээ. Энэ хотын иргэд өдөр тутамдаа машинаар бус завиар зорчих нь түгээмэл. Жилд 30 сая гаруй жуулчдыг хүлээн авдаг, усан тээвэр хамгийн өндөр ачаалалтай байдаг уг хотод том оврын амралтын хөлөг онгоц оруулахгүй байх шийдвэрийг Италийн Засгийн газраас гаргасан байна.

Үүний шалтгааныг тэнгист зорчих зориулалттай том оврын хөлөг онгоцнууд нь Венец хотын оршин суугчид болон жуулчдыг дайрч бэртээсэн хэргүүд дараалан гарах болсон бөгөөд, үүний зэрэгцээ хотын нарийн усан гудмуудыг бүхэлд нь эзлэхээс гадна барилгуудын суурийг сулруулж байгаа хэмээн тайлбарлажээ.

Усан онгоцны чиглэлүүдийг хэд хэдэн үе шаттайгаар өөрчлөх бөгөөд, хотын захиргааны зүгээс 2022 он гэхэд Венец хотод нэвтрэх тасалбарыг хэрэглээнд нэвтрүүлэхээр төлөвлөж байгаа аж.

Эх сурвалж: Daily Mail