Герман улсын Байгаль орчны яам худалдааны төвүүдэд гялгар уутны хэрэглээг зогсоохоор төлөвлөж байгаагаа албан ёсоор зарлалаа. 2016 онд тус улсын Засгийн газраас сүлжээ дэлгүүрүүдтэй хэлэлцээр хийж байсан юм. Уг хэлэлцээрийн үр дүнд Германчуудын 2019 оны гялгар уутны хэрэглээ 2015 онтой харьцуулахад 64 хувиар буурчээ. Гэвч энэ тоог хангалтгүй гэж үзэж, гялгар уутны хэрэглээг бүр мөсөн зогсоох төлөвлөгөөтэй байгаа талаар Байгаль орчны сайд Свеня Шүльзе хэвлэлд өгсөн ярилцлагадаа дурдсан байна. 

Дашрамд дурдахад, Англи улс 2015 онд гялгар уутыг таван пенсийн (100 пенс = 1 паунд) төлбөртэй болгосноор томоохон сүлжээ дэлгүүрүүдийн хэрэглээ 90 хувиар буурчээ. Тус улс ирэх 2020 оны дөрөвдүгээр сараас хуванцар ашиглан хийдэг соруул, кофены халбага, чихний хөвөнгийн иш зэргийн худалдааг зогсоохоор төлөвлөж байгаа юм.

Эх сурвалж: Independent