Берлин хотод 2019 оныг дуустал нийтийн тээвэрт цахилгаанаар ажилладаг жолоочгүй автобус ашиглахаар туршиж эхэлсэн тухай Дойче Велле агентлаг мэдээлсэн байна. Энэхүү автобус нь зургаан хүний суудалтай бөгөөд хотын зорчигчдод үнэ төлбөргүй үйлчлэх аж.

“Том оврын автобуснуудын зэрэгцээ жолоочгүй жижиг автобуснуудыг нийтийн тээвэрт нэвтрүүлснээр хотын хөдөлгөөн удаашралтай буюу нарийн гудмуудтай хэсгийн зорчигсдод илүүтэй хүрч үйлчлэх юм” хэмээн Берлин хотын Нийтийн тээврийн зохицуулалтын газрын дарга Сигрид Никута хэлжээ.

Хотын удирдлагын зүгээс жолоочгүй автобус уламжлалт нийтийн тээврийг бүрэн орлох эсэх талаар албан ёсоор мэдэгдэл хийгээгүй байна.

Эх сурвалж: Deutsche Welle