Индонез улсын ерөнхийлөгч Жоко Видодо нийслэл хотоо нүүлгэх болсноо Даваа гарагт зарлалаа. 10 сая хүн амтай Жакарта хот нь дэлхийд маш хурдацтай усанд автаж байгаа хотуудын нэг юм.

Гүний усны хэт хэрэглээнээс үүдсэн хөрсний нуралт, үерт өртөмтгий байршил, намгархаг орчин зэрэг нь нийслэлийг нүүлгэх тэргүүн шалтгаанууд болсон байна. Борнэо арал дээр сонгосон газарт шинэ нийслэлийг байгуулахад 10 жил, 34 тэрбум ам.доллар шаардлагатай гэсэн тооцоо гарчээ.

“Индонез улс тусгаар тогтносон 74 жилийн түүхэндээ анх удаагаа нийслэлээ сонгох болоод байна. 

Нийслэл Жакартад засаг захиргаа, бизнес эдийн засаг, худалдаа үйлчилгээгээ бүгдийг төвлөрүүлэх нь ганцхан хотод ахадсан ачаа юм” хэмээн тус улсын ерөнхийлөгч телевизээр хийсэн мэдэгдэлдээ дурджээ.

Эх сурвалж: CNN