Германы Волксваген компани ирэх 10 жилийн төлөвлөгөөгөө танилцуулжээ. Тэд цахилгаанаар ажилладаг 70 загварын нийт 22 сая автомашин үйлдвэрлэх ажээ.

Дэлхийн хамгийн том автомашин үйлдвэрлэгч тус компани цахилгаан автомашины төсөлдөө дараагийн дөрвөн жилд 33 тэрбум ам. долларын хөрөнгө оруулалт хийж, 2023 оны сүүлч, 2024 оны эхэн үеэс цахилгаан моторын бөөний үйлдвэрлэлээ эхлүүлэхээр төлөвлөжээ.

Волксваген компанийн уг санаачлага батарейн үйлдвэрлэлээр дэлхийн зах зээлд сүүл мушгиж буй Европ тивд хэрэгжинэ гэдгээрээ онцлогтой. Литийн батарейн хамгийн том үйлдвэрлэгчид нь Хятад (70 хувь), АНУ (12 хувь), Европ тив (3 хувь) ажээ.

Эх сурвалж: CNN