Жин хасах болон гоо сайхны хагалгаатай холбоотой зургуудыг хязгаарлах болсноо Instagram зарлалаа.

Компанийн нэвтрүүлж буй шинэ журмаар “Богино хугацаанд тураах гайхалтай аргууд” бүхий нийтлэл зарлалуудыг хязгаарлах буюу устгах ажээ. Тэдгээр агуулга нь залуучууд, тэр дундаа 18 нас хүрээгүй хүүхдүүдийн сэтгэлзүйн эрүүл мэндэд онцгой сөрөг нөлөөтэй болохыг мэргэжилтнүүд сануулсаар байгаа юм.

“Энэхүү өөрчлөлтөөр бид Instagram-ыг илүү эерэг орчин болгохыг зорьж байна. Хүмүүс өөрийгөө бусадтай харьцуулж сэтгэл санааны дарамтад орохыг бид хүсэхгүй байна” 

хэмээн тус компанийн олон нийтийн бодлого зохицуулалтын менежер Эма Колинс хэлжээ.

Бодит бус хүлээлт, эрүүл бус амьдралын хэв маягийг сурталчилсан агуулгыг хязгаарлах энэхүү арга хэмжээг Facebook компани ч мөн нэвтрүүлэх ажээ.

Эх сурвалж: BBC