Герман улсын Байгаль орчны сайд Свенья Шүльзе дэлхийн 80 гаруй орон элсээд байгаа “Нүүрсний дараах эрчим хүчний шийдэл холбоо” (Powering Past Coal Alliance)-д нэгдэх болсноо зарлалаа.

Ангела Меркел тэргүүтэй Германы эвслийн засгийн газар дэлхийн дулаарлыг бууруулах 59 тэрбум ам.долларын төслийг дэвшүүлээд байна. Тэд 2030 онд Герман улсын ялгаруулж буй хүлэмжийн хийн хэмжээг 1990 онтой харьцуулахад 55 хувь бууруулахыг зорьж байгаа юм.

Байгаль орчны төлөөх хөдөлгөөнүүд болон эрдэмтдийн зүгээс уг санаачлагыг хангалтгүй хэмээн шүүмжилсэн ч нүүрсхүчлийн ялгарлыг бууруулах эдийн засгийн холбоо хамаарлыг харгалзан, урт хугацааны төлөвлөгөө хэрэгжүүлэх нь чухал хэмээн засгийн газар үзэж байгаа ажээ.

Эх сурвалж: Deutsche Welle