Улсын харьяаны хэвлэл мэдээллийн байгууллагын сэтгүүлчид Хятадын хугацаагүй эрхт ерөнхийлөгч Ши Жиньпиний үзэл суртлын мэдлэгийн шалгалт өгөх ёстой болжээ. Шалгалтад тэнцээгүй сэтгүүлчдийн мэргэжлийн үнэмлэхийг хурааж, хэвлэл мэдээллийн байгууллагад ажиллах эрхийг түдгэлзүүлэх магадлалтай ажээ.

Сэтгүүлчид “Ши-г судал, Хүчирхэг гүрнийг бүтээ” нэртэй утасны аппликейшнийг ашиглан ерөнхийлөгч Ши Жиньпиний коммунизмын онол, улс төрийн үзэл бодлыг судлан суралцах боломжтой бөгөөд уг аппликейшн нь олон улсад маргаан дагуулж Хятадын коммунист хөдөлгөөнийг үндэслэгч Мао Зедуны үзэл номлолын “Бяцхан улаан ном”-той зүйрлэгдээд байгаа билээ.

Анхны шалгалтад 10 мянган сэтгүүлч редактор хамрагдах ажээ. Хятад улс нь Дэлхийн чөлөөт хэвлэлийн индексээр 180 орноос 177-д жагсдаг байна.

Эх сурвалж: The Huffington Post