Украйн улсын волейболын багийн дүрээр Грекийн хилээр нэвтрэхийг оролдсон 10 Сири эр Афин хотын онгоцны буудал дээр баригджээ.

Хулгайд алдагдсан хэмээн бүртгэгдсэн бичиг баримтыг ашиглахыг оролдсон дүрвэгсэд Щвецарь улсын Зурих хотыг зорьж байжээ. Грекийн цагдаагийн газраас хил зөрчигчдийн спорт хувцас, волейболын бөмбөгийн зургийг олон нийтэд дэлгэсэн байна.

Сүүлийн саруудад Грек улсыг зорих Ойрхи дорнодын дүрвэгсдийн тоо эрс нэмэгдэж байгаа бөгөөд энэ оны наймдугаар сарын байдлаар 25 мянган хүн тус улсад иржээ. Тогтворгүй байдал, дайн тулаанаас үүдэлтэй Сири, Афганистан дүрвэгсэдтэй Грек, Турк улсуудын засгийн газар хатуу бодлого баримтлан тэмцэж байна.

Эх сурвалж: The Independent