NASA болон ESA (Европын сансрын агентлаг)-ийн судалгааны роботууд Ангараг гараг дээр 2021 оны гуравдугаар сард газардах гэж байна. 

ESA-ийн “Росалинд” робот нь “Улаан нүдэн” гарагийн гүн рүү 6,5 фит (1.98 метр) өрөмдлөг хийж, хөрсний дээжид амьтан болон ургамлын ул мөр байгаа эсэхийг шинжлэх бол NASA-ийн “Mars 2020” робот гарагаас авсан чулуулгийн дээжийг Дэлхий рүү илгээх тусгай даалгавартай яваа ажээ.

NASA-гийн Ахлах эрдэмтэн, доктор Жим Грин энэхүү үйл явдлыг XVI зуунд хүн төрөлхтөн нар дэлхийг бус, харин дэлхий гараг нь нарыг тойрч эргэдэг болохыг олж мэдсэнтэй дүйцэхүйц чухал зүйл хэмээн үзэж байна. 

“Дэлхийгээс өөр газар амьдралын ул мөр олох нь хүн төрөлтний ертөнцийг үзэх үзэлд томоохон хувьсгал хийх чухал нээлт болох юм. Ийм үр нөлөөтэй байж болох судалгааны хариуг хүлээж авахад бид төдийлөн бэлэн биш болов уу гэж эмээж байна” 

хэмээн доктор Грин хэлжээ.

Энэ оны эхээр Ангараг гарагийн гадаргуу доор их хэмжээний ус байх магадлалтайг эрдэмтэд зарласан билээ.

Эх сурвалж: The Independent