Хиймэл оюун ухаан, автоматжуулалтаас үүдэн банкны салбарын 200 мянган ажлын байр дараагийн 10 жилд үгүй болно хэмээн Америкийн хамгийн том банкуудын нэг Wells Fargo судалгаагаар тогтоожээ.

Wells Fargo-ийн ахлах шинжээч Майк Майогийн хэлж буйгаар банкны салбар жил бүр 150 тэрбум ам долларыг технологийн дэвшлийг нэвтрүүлэхэд зарцуулж байгаа ажээ. Энэ нь банкны үйлчилгээг түргэсгэх, зардлыг бууруулах боловч олон тооны ажлын байрыг жагсаалтаас гаргах юм.

Судалгаанд үзэж буйгаар банкны салбар эрхэлсэн ажилчид, хэрэглэгчтэй харилцах төв болон оффисын ажилчдын орон тоо эрс цөөрөх бол технологи, борлуулалт, зөвлөх үйлчилгээний ажлын байрууд харьцангуй бага эрсдэлтэй байна.

Одоогийн байдлаар дэлхий даяар 60 мянган банкны ажлын байр технологийн дэвшлээс үүдэн үгүй болсон бөгөөд тэдгээрийн дийлэнх нь Европ тивд байсан аж. Герман улсын Deutsche Bank ойрын хугацаанд 18 мянган ажлыг байрыг цомхотголд оруулахаар төлөвлөж байна.

Эх сурвалж: Bloomberg