Өнгөрөгч Мягмар гарагт Махатма Гандигийн мэндэлсний 150 насны ой тохиосон юм. Гэвч энэ Энэтхэгийн Мадхя Прадеш мужийн Рева хотод байрлах түүний чандрыг хулгайлж, хөрөг зурган дээр “урвагч” хэмээн ногоон будгаар сараачсан байна. 

Энэтхэгчүүдийн эрх чөлөөний төлөө тэмцэгч Ганди 1948 онд Хиндү шашны хэт дарвагсадын гарт амиа алдсан. Түүний шарилыг Хиндү шашны жаягаар чандарласан боловч голд цацалгүй бунхан болгон хадгалж ирсэн юм.

Цагдаа нар “үндэсний оюун санааны бахархал, энх тайвныг бэлгэдлийг” илрүүлэхээр мөшгөж байна гэжээ.

Бапу Баван дахь түүний хөшөө дурсгалын хамгаалагч Мангладип Тивар “Би хөшөөний хаалгыг Гандигийн төрсөн өдрийнх нь өглөө эрт онгойлгосон. Оройн 23:00 цагт хаахаар ирэхэд түүний чандар байхгүй байсан бөгөөд хананд өлгөөтэй хөргөн дээр нь урвагч хэмээн ногоон будгаар бичсэн байв. Чандар хулгайд алдагдсан нь тун ичгүүртэй хэрэг боллоо” хэмээжээ.

Ихэнх нь Энэтхэгчүүд түүнийг "үндэсний эрх чөлөөний эцэг" хэмээн хүндэтгэдэг ч Хиндү шашны хэт даврагсад Гандиг шашнаасаа урвасан  Энэтхэг улсыг хувааж, Пакистаныг тусгаар тогтнуулсан гэж буруутгадаг.

Хэдий Ганди хинду шашинтан байсан ч ислам шашинтнуудад сайн хандаж, хинду-исламын эв нэгдлийг төлөө дуу хоолойгоо өргөж байсан юм.

Эх сурвалж: BBC news