Энэтхэг улс дэлхийд анх удаа алсын удирдлагатай роботуудыг ашиглан зүрхний хагалгаа хийжээ.

Мэс заслын эмч нар тусгай робот гаруудыг 32 км-ийн зайнаас удирдан зүрхний титэм судасны хагалгааг таван өвчтөн дээр амжилттай гүйцэтгэжээ. 

Артерийн титэм судасны өвчин нь зүрхний цусан хангамжийг бууруулдаг бөгөөд хагалгааны аргаар судсны бөглөрлийг нээх шаардлагатай болдог аж.

Алсын удирдлагатай хагалгаа нь “бүх талаараа амжилттай болсон” хэмээн эмч нар хэлжээ. Уг технологийн хөгжил нь цаашлаад алслагдсан бүс нутгийн иргэдэд эмнэлгийн үйлчилгээг  ойртуулаад зогсохгүй мэс заслыг гүйцэтгэдэг эмч нар болон техникийн ажилчдын хөдөлмөрийн хортой нөхцөлөөс хамгаалах ач холбогдолтой юм.

Эх сурвалж: CNBC