2020 оны Токиогийн Олимпыг зохион байгуулагчид хүн төрөлхтний спортын амжилтыг тэмдэглээд зогсохгүй технологийн хөгжил дэвшлийг гайхуулахаар төлөвлөж байна. Олимпийн медалийг хаягдал түүхий эдээр хийх болсныг бид өмнө нь мэдээлж байсан билээ.

Тэгвэл Тоёото компани батарейгаар ажилладаг өөрийгөө жолоодогч машиныг тамирчдын хэрэглээнд зориулан гаргахаа зарлажээ. Тамирчдыг тэмцээн болох газар болон түр амьдрах байр хооронд зөөх уг тээврийн хэрэгслийг хөгжлийн бэрхшээлтэй паралимпын тамирчдад ч хүртээмжтэй байхаар боловсруулсан байна.

“e-Palette” гэх уг автомат машиныг энэ сарын сүүлээр болох Токиогийн Мото Шоугаар олон нийтэд танилцуулахаар төлөвлөжээ. Түүнийг байршил тогтоох төхөөрөмж болон камеруудаар тоноглосон бөгөөд нэг цэнэгээр 150км явж, дээд тал нь 19км/цаг хурдлах чадалтай ажээ.

Эх сурвалж: New Atlas