Инстаграм, фэйсбүүкээ “гүйлгэхдээ” аялагчдын өнгө будаг, өнцөг нь таарсан “санаандгүй юм шиг санаатай” зургуудыг та байнга үздэг л биз. Байзаарай, эдгээр гайхалтай зургуудыг даруулахад хэдэн шот, хэр их хөдөлмөр зарцуулдаг бол гэдгийг гайхаж байв уу?

Тэгвэл Тайландын Chiang Mai хотын Tha Pae Gate гэх хуучны хананы ойролцоо тагтаа ихээр цугладаг газар хүмүүсийг гоё зурагтай болоход  туслах “мэргэжлийн тагтаа үргээгчид” хүртэл байдаг аж.

Аялагчдыг төгс зурагтай болгодог тагтааны ангуучид шувуудыг нэг удаа үргээгээд 20 батт буюу 50 цент авдаг. Тэд ингэж ажиллаад өдөрт дунджаар 350 Тайланд батт буюу 9.30 ам.доллар олдог байна.

Тагтаануудыг ойр ойрхон үргээж, цочоох нь эрүүл мэндийг сөрөг нөлөөтэйгөөс гадна амьтны эрхийг зөрчсөн хэрэг тул хотын захиргаанаас санаатайгаар тагтаа үргээж эсвэл тагтаа зарж байгаад үйлдэл дээрээ баригдсан этгээдийг 20 мянган Тайланд батт буюу  650 ам.доллараар торгох  зөрчлийн хууль саяхан баталжээ.

Тус түүхэн хананы орчим цуглах тагтааны тоо олширч байгаа тул тэдгээрийн ялгадсаар дамжин халдварт өвчин үүсгэх боломжтой хэмээн мэргэжилтнүүд сэрэмжлүүлж байна.

Цагдаагийн газрын мэдээлснээр өнгөрөгч долоо хоногт есөн тагтаа үргээгчийг баривчилжээ.

Эх сурвалж: Metro.uk