Бурундигийн (HUB) Инновацийн төвийг захирал Natacha Nduwimana багийнхантайгаа хамтран сайн дураараа алслагдсан аймгийн ахлах ангийн сурагчдад компьютерийн програмчлалын хичээлийг өнгөрсөн долоо хоногоос эхлэн заажээ.  

Тэд алслагдсан Bujumbura, Gitega болон Ngozi аймгийн 13 мянган сурагчид хүрч ажиллахыг зорьж буй. Өнгөрсөн долоо хоногийн байдлаар хэдийн 10 мянган сурагчид хичээл заасан байна.

Хатагтай Nduwimana хэлэхдээ: “Бид өнгөрөгч долоо хоногт Gitega аймгийн алслагдсан тосгон Makebuko-д код бичих хичээл орсон. Хүүхдүүдээс ямар мэргэжилтэй болохыг сонирхон асуухад бүгд багш эсвэл сайд дарга болно гэж хариулсан. Харамсалтай нь тэд технологийн талаар ямар ч ойлголтгүй байв. Бид хүүхдүүдэд технологийн хэрэглээний ач холбогдлыг ойлгуулж, шинэ зүйлийг заасны дараа ирээдүйд программист болно гэж хэлэх хүүхэд хүртэл байсан. Сурагчдад анимэйшн, тоглоом бүтээх Scratch нэртэй программыг зааж байгаа. Хэдхэн өдрийн дараа сурагчид өөрсдөө тоглоом зохион бүтээх болно” гэжээ.

Тэдэнд тулгамдаж буй хамгийн том бэрхшээл бол компьютерийн хүрэлцээгүй байдал аж. Тэрээр уг санаачилга нь энэхүү ажил нь ахлах сургуулийн сургалтын хөтөлбөрт орно хэмээн найдаж буй аж.

Брундигийн программистүүд ерөнхий боловсролын сургуулийн 200 багшийг код бичих сургалтад хамруулжээ.

Эх сурвалж: BBC world