Хөлбөмбөгийн бөмбөгийг хүүхдүүд толгойгоороо мөргөхийг хориглосон Европ тивийн анхны улс нь Шотланд болох магадлал өндөр байна. Уг шийдвэр нь хөлбөмбөгийн спорт тэнэгрэлийн өвчин (dementia)-тэй холбоотой байж болохыг тогтоосон судалгаанаас үүдэлтэй ажээ.

Хөлбөмбөгийн тамирчид ердийн хүмүүстэй харьцуулахад тэнэгрэл өвчнөөр нас барах магадлал 3.5 дахин их байдаг хэмээн Гласговын их сургуулийн эрдэмтэд дүгнэжээ. Тэд 1900-аас 1976 оны хооронд амьдарч байсан 7600 хөлбөмбөгийн тамирчин, 23 мянган ердийн хүнийг харьцуулж судалсан байна.

Америк улсад 12 хүртэлх насны хүүхдүүд бөмбөг мөргөхийг хориглоод таван жил болж байгаа бөгөөд хэрэв Шотландын хөлбөмбөгийн холбоо ижил шийдэлд хүрвэл хориг ирэх оноос хэрэгжих ажээ.

Эх сурвалж: The Telegraph