Yahoo компанийн Токио хотод байрлах төв оффис нь ажилчдынхаа эрүүл мэндийг дэмжих шинэ санаачлагыг туршиж байна.

Тус байгууллагын ажилчдын хоолны газрын шарсан махтай хоолны үнийг нэмсэн бол далайн хүнс, загасны махтай хоолны үнийг бууруулж шинэ журам гаргажээ.

Токиогийн Yahoo компанийн оффисын цайны газарт өдөрт 1000 гаруй хүн үйлчлүүлдэг бөгөөд үнийн өөрчлөлт нь эрүүл хүнсийг сонгох хөшүүрэг болно хэмээн удирдлагууд үзэж буй аж.

Yahoo Токио оффисын 2017 оны эрүүл мэндийн үзлэгээр ажилчдын 45 хувь нь хэвийн хэмжээнээс хэтэрсэн холестролын хэмжээтэй байсан нь компанийн уг шийдвэрт нөлөөлсөн байна.

Эх сурвалж: Asahi