“Twitter” компани өөрийн платформ дээр улс төрийн сурталчилгаа байршуулахыг дэлхий даяар хориглох болсноо зарлалаа.

“Интернет сурталчилгаа нь бизнесийн хүрээнд асар их үр өгөөжтэй боловч энэхүү хүчирхэг хэрэгслийг улс төрийн зорилгод ашиглах нь ноцтой эрсдэлийг дагуулж байна”

хэмээн “Twitter” компанийн гүйцэтгэх захирал Жак Дорси өөрийн хуудаснаа бичжээ.

Хиймэл оюун ухааныг ашигласан зорилтот сурталчилгаа, хуурамч мэдээлэл, хуурамч бичлэгүүд нь орчин үеийн улс төрийн нөхцөл байдлыг эрс өөрчилж байгааг тус компанийн зүгээс анхааруулж байна.

Шинэ хориг 11-р сарын 22-ны өдрөөс хэрэгжиж эхлэх бөгөөд уг шийдвэр нь 2020 онд Ерөнхийлөгчийн сонгууль явагдах АНУ-д аль хэдийнээ шуугиан дэгдээжээ.

Эх сурвалж: BBC