Швейцарийн Холбооны технологийн их сургуулийн эрдэмтэд аянга буух аюулыг 80 хувийн ончтойгоор урьдчилан анхааруулдаг хиймэл оюун ухааныг бүтээжээ. Одоогоор уг систем нь аянга буух газрыг 30км-ийн тойрогт, 10-30 минут урьтаж мэдэгдэх хүчин чадалтай аж.

Эрдэмтэд тус хиймэл оюун ухааныг боловсруулахдаа Швейцарь улсын цаг уурын станцуудын 10 жилийн хугацаанд цуглуулсан цаг агаарын мэдээллийг ашиглажээ. Аянга буух үеийн агаарын даралт, температур, чийгшил, салхины хурд зэрэг мэдээллийг уншиж сурсан хиймэл оюун ухаан цаг агаарын ижил нөхцөл үүсэхэд анхааруулга өгдөг байна.

Судлаачид энэхүү системийг цаашид сайжруулж, илүү боловсронгуй болгох зорилготой байна.

Эх сурвалж: Swiss Federal Institute of Technology Lausanne (EPFL)