Өвөр Монголын хоёр иргэн тарваган тахлаар оношлогдон Бээжин хотод эмчлэгдэж байгааг Хятадын төрийн өмчит Синхуа агентлаг мэдээлжээ. Тэд тарваган тахлын хамгийн аюултай төрлийн нэг болох үхэлд хүргэдэг уушгины хэлбэрээр өвчилсөн байна.

Дэлхийн эрүүл мэндийн байгууллагын судалгаагаар 2010-аас 2015 оны хооронд дэлхий даяар тарваган тахлын 3248 тохиолдол бүртгэгдсэн бөгөөд тэдний 584 нь хүний аминд хүрчээ. 

Өнгөрсөн 20 жилийн хугацаанд нийт 50 мянга гаруй тохиолдол илрээд байгаа уг тахлыг ДЭМБ “дахин сэргэж байгаа” ангилалд оруулаад байгаа билээ.

Тарваган тахал нь нийтийн тооллын 500 оны Европ тивд 100 сая, дундад зууны Европ тивд 25 сая хүний аминд хүрсэн дэлхийн хамгийн аюултай халдварт өвчний нэг юм.

Эх сурвалж: CNN