Дэлхий даяар согтууруулах ундаа, архины хамаарлаас холдох хөдөлгөөн идэвхтэй өрнөж байна. Түүний нэгэн жишээ нь АНУ-ын Техас мужийн Остин хотод “Cherokee Recovery Village” нэртэй согтууруулах ундаагаар үйлчилдэггүй уушийн газар юм.

“Согтуурах хүслийг өдөөдөг зүйлсээс дархлаатай болох нь чухал. Бид ердийн уушийн газартай ижил орчинг бүрдүүлсэн боловч согтууруулах ундаагаар үйлчилдэггүй. Энэ нь эрүүл дадлыг хүмүүст бий болгоход тусалдаг”

хэмээн “Cherokee Recovery Village”-ийн эзэн Пол Фрэнч хэлжээ.

Тэрээр өмнө нь архинд донтогч байсан бөгөөд одоо эрүүл замыг сонгож, мэргэжлийн сэтгэлзүйч болсон нэгэн юм.

Уг уушийн газар нь архины хамаарлаас гарахыг хичээж буй хүмүүст туслаад зогсохгүй, согтууруулах ундаа хэрэглэлгүйгээр найзуудтайгаа уулзах, хүмүүстэй танилцах, хөгжилдөх боломжийг үйлчлүүлэгчиддээ олгох зорилготой ажээ.

Эх сурвалж: Katu