Африк тивийн хойд хэсэгт байрлах Тунис улс нь бэлгийн боловсролыг ерөнхий боловсролын хөтөлбөртөө багтаасан анхны Араб улс болж байгаа талаар Тунисийн Нөхөн үржихүйн эрүүл мэндийн холбооны гүйцэтгэх захирал Арзак Ханийч мэдэгджээ.

“Бэлгийн боловсрол нь хүүхэд өөрийгөө болоод орчин тойрноо таньж мэдэхэд чухал ач холбогдолтой зүйл юм. Бэлгийн дарамтыг таньж мэдэх, өөрийгөө хамгаалах талаар ойлголтыг бид хичээлийн хөтөлбөрт чухалчилж байна” 

хэмээн тэрээр “Sabah Al-Nas”-д өгсөн ярилцлагадаа дурджээ.

Уг хөтөлбөр нь НҮБ-ийн Хүн амын сан, Арабын хүний эрхийн институтийн түншлэл болоод Тунисийн Боловсролын яамны ивээл дор хэрэгжиж байгаа ажээ.

Эх сурвалж: The New Arab