Фероза Азиз нэртэй Америкийн-Афган охины сормуусны гоёлын талаар “TikTok”-ийн бичлэг Хятадын Шинжаан мужийн мусульман шашинт Уйгар иргэдийн талаарх асуудлыг хөндсөн нь олны анхаарлыг татжээ.

Азиз охины “TikTok” бүртгэлүүдийн нэг болон түүний гар утас уг бичлэгийн дараа удалгүй “блок”-логдсон бөгөөд энэ нь уйгаруудын асуудлын хөндсөнтэй холбоотой хэмээн ажиглагчид таамаглаж байна. 

“TikTok” аппликейшний эзэмшигч “ByteDance” компани нь Бээжин хотод төвтэй билээ.

Олон улсын шинжээчдийн цөөнгүй баримтаар үй олноор хорих лагер хэмээн илчлээд буй байгууламжуудыг Хятадын засгийн газраас мусульман иргэдийн сайн дураар мэргэжил олгох сургалт үйлдвэрлэлийн төв хэмээн нэрлэн няцаасаар байгаа билээ.

Тус бичлэг “TikTok” сүлжээн дээр 1,4 сая хандалт, 500 мянган “like”, “Twitter” дээр 5 сая гаруй хандалт авсан бөгөөд “Youtube” болон “Instagram” дээр ч олны хүртээл болоод байна.

Эх сурвалж: BBC