Дэлхий даяар 2,2 тэрбум хүн цэвэр усны хомстолтой тулгарч байна.

Тус асуудалд шийдэл болох зорилгоор “GivePower” нэртэй төрийн бус байгууллага “Kiunga Solar Water Farm” төслийг хэрэгжүүлжээ. 

Тэд Кени улсын Энэтхэгийн далайтай залгаа эрэг дээр нарны эрчим хүчээр ажилладаг ус цэвэршүүлэх станц байгуулсан байна. 

50 киловаттын эрчим хүчээр ажилладаг ус цэвэршүүлэх станц хоногийн 24 цаг ажилладаг бөгөөд ойролцоох бүс нутгийн 35 мянган хүнийг цэвэр усаар хангадаг болжээ.

Станц ашиглалтад орохын өмнө түүнтэй хамгийн ойр байрлах Киунга тосгоны 3500 хүн ундны усаа хол зайнаас зөөдөг байсан бөгөөд ахуйн хэрэглээндээ далайн давсархаг усыг ашигладаг байжээ.

Эх сурвалж: Interesting Engineering