Финлянд улс дэлхийн түүхэн дэх хамгийн залуу ерөнхий сайдыг хүлээн авлаа. Тус улсын Зам тээврийн яамны сайдаар ажиллаж байсан 34 настай Санна Марин ерөнхий сайдын албан тушаалд томилогдсон байна.

Түүний өмнөх Ерөнхий сайд Анти Рин нь Финлянд улсад өрнөж буй шуудангийн ажилчдын ажил хаялтад ихээхэн буруутгагдаж, улмаар ажлаа хүлээлгэн өгсөн юм. Энэ долоо хоногт ч үргэлжилж буй ажил хаялт нь Финляндын бизнес эрхлэгчдэд 550 сая ам.долларын алдагдал учруулна гэсэн тооцоо гарчээ.

“Бид олны итгэлийг эргүүлэн олоход үйл ажиллагаагаа чиглүүлэх болно” 

хэмээн Санна Марин мэдэгдэлдээ дурдсан байна.

Тэрээр 27 настайдаа өөрийн төрөлх Тампир хотын Иргэдийн төлөөлөгчдийн хурлын даргаар сонгогдсоноор улс төрийн тавцанд хөл тавьж байжээ. 

Эх сурвалж: Reuters